The Endik

Слава Воршы ўжо ня горша!

Tue, 08 Sep 2009 18:47:01 GMT

Мой юзерпік віншуе ўсіх абакукаў і сподарыняў са сьвятам!!! :)

Узгадалася чамусці

Mon, 07 Sep 2009 11:55:33 GMT

Я чамусці ня быў так удо вельмі шакіраваны з наяўнасьці 75 артаграфічных памылак на помніке ў Берасьці ці з таго, што прадстаўнік Беларусі ў КХЛ будзе называцца "Дінамо Мінск".
Гэтым летам наведваючы Радзіму быў я ў Менску і вырашыў зайсці ў мастацкі музей, нацыянальны, гэтак сказаць. Дарэчы гэта было амаль падчас знакамітай Менскай залевы. Ну насамрэч я не такі ўжо культурны, трэ было дзесьці правесьці гадзіну, а на вуліцы збіраўся дождж, а вялікія "банеры" на будынку казалі пра тое, што там можна пабачыць Слуцкія паясы.
І вось зайшоўшы я меў на ўвазе з большага паглядзець толькі на паясы, але вырашыў раз ужо такая пьянка азнаёміцца і з асноўнай экспазіцыяй таксама. Як і меркавалася, у адпаведнасьці з дзяржаўнай ідэалёгіяй, гэтая экспазіцыя складалася ў асноўным з твораў прысьвечаных ВАВ і блізкаму да той вайны перыяду, выкананымі у духе сацрэалізму. Але было і яшчэ чаго. Васьняцоў, Рэпін і іншыя кляссыкі Расейскага жывапісу. Дык вось, гледзячы на карціны звычайна чытаў подпісы менавіта па-беларуску. Так прыемнейша. :) Але дайшоўшы да гэтай карціны Крамскога... я спыніўся. Пад ёй было напісана (Артаграфія арыгіналу захаваная): "На тязе". Цікаўныя запрагаюцца палепшыць свой культурны ўзровень і пераканацца ў звышадукаванасьці мастацкіх працаўнікоў асабіста.
Што да слуцкіх паясоў дык вялізарныя банеры насамрэч запрашалі паглядзець на нешта каля 7 паясоў. На маё зьдзіўленае пытаньне было адказам, што гэта яшчэ што, з гэтых 7 толькі 3 належаць Беларусі, а маскалі дзеля выстаўкі выдалі самы маленькі мізер і тыя дрэннінькія...
"Ну а што калі я ў Маскве буду, дык у тым Рускім музее ці можна што пабачыць?", -- спытаўся я ціпа прастадушна...
"Да вы што, там усё у падсобках гніець, хіба ж для ніх то каштоўнасьць?!!"

Час ехаць на Бацькаўшчыну...

Mon, 06 Jul 2009 14:58:46 GMT

Дыплёмай хваліцца

Ці задорага прадаецца сяброўства?

Fri, 03 Jul 2009 22:54:57 GMT

Як паведамляе вартае веру інфармацыйнае агенства, ў хуткім часе сяброў на Твіццеры можна будзе купіць.
Цікава, ці нашмат набліжае гэта віртуальную прастору да рэальнай, дзе купіць сяброў за грошы можна ўжо якую пару-тройку тысячагоддзяў...

Іх бін інжэнірэн!!!

Mon, 29 Jun 2009 07:52:13 GMT

Я-я-я :)

Чароўны трусік ужо ў Амерыке!

Wed, 17 Jun 2009 23:53:42 GMT

малюе мелам нолік

Лепшыя сябры Воўка ды Сашка пасварыліся?

Mon, 01 Dec 2008 02:22:36 GMT

Нешта здарылася. Яшчэ адназначна незразумела што менавіта, але...
Адсюль ёсьць некалькі магчымасьцяў, ці гэта сапраўды чарговы акт якога марлезоскага балета... Ці нешта нашмат больш сур'ёзнае... Што маглі такога бацьку прапанаваць?? Альбо ён зразумеў, што ў тым баку ўсё што можна было з'есці пад'елі і сё. А далей як тую дзеўку, у вядомым жарту , спачатку вячэралі, цяпер надыходзіць час, калі пачынаюць танчыць..
Зрэшты такія моманты у беларуска-расейскіх адносінах на вышэйшым узроўні ужо былі, і мы ўсе памятаем, чым гэта звычайна сканчвалася...
Як тое будзе гэтым разам? Зараз аднак неяк асабліва небяспечна выглядаюць гэтыя гульні...

Мая барацьба :)

Sat, 22 Nov 2008 23:48:57 GMT

Кожны раз пасьля аднаўленьня Убунты даводзіцца запускаць адзін і той-жа вялікі скрыпт. Вельмі ўжо чырвона-зяленае нешта на беларускай раскладцы мяне даводзіць

#! /bin/bash
sudo cp /usr/share/locale/l10n/by/flag.png /usr/share/locale/l10n/by/flag-govno.png
sudo mv /media/lab-u00/flag.png /usr/share/locale/l10n/by/flag.png

Рэстарцім іксы і сістэма зноўку кашэрная :)

Прырода

Mon, 27 Oct 2008 23:05:59 GMT

Вось гэта навальніца як навальніца...
Быццам хто неба коле неба на кавалкі...
Рэальна жахліва, пачынаеш разумець нашых продкаў, што ў пячэрах куталіся ў скуры...

Гы

Sun, 07 Sep 2008 00:38:31 GMT

Як высьветлілася Металліка праз пяць год пасьля апошняга альбому нарэшце прапануюць нешта новае... Засталося пару дзён да выхаду новага дыску Death Magnetic.
А пакуль што можна паспрабаваць зразумець што ў іх там атрымалася, паглядзеўшы кліп на адну з новых песен... Значыцца, амерыканская армія ў нейкай арабскай варожай краіне, пясок, кроў і Джеймс Гэтфільд з сябрамі:

Новыя рэчы

Sun, 07 Sep 2008 00:15:31 GMT

Па першае ўрэшце рэшт зкончыліся (ці амаль што зконыліся) чарговыя (АМАЛЬ АПОШНІЯ) іспыты. Я шчасьлівы (ці амаль шчасьлівы).
Па другое праз два гады я хутка знова на Беларусі... Радзіма пачуе? Радзіма пазнае?
Па трэцяе, я не пасьпеў зразумець як зкончылася лета.. Хтосьці пасьпеў як след адпачыць на жаркім поўдні.. Дзеці пайшлі ў першы, другі, трэці... n клясы. Ураганы пагразілі Амерыканскім Злучаным, дзе негр супрацьстаяў экс ваенапалоннаму і алеўтцы у апошнім мартальным камбаце, была Алімпіяда і медалі з допінгамі, быў Уладзімір Уладзіміравіч Мядзьведзяў супраць Сакашвілі і расейцы якія зноў камусьці кудысьці штосьці абмежавана ўводзяць і стрымана рэагуюць, БАТЭ прайшоў у ЛЧ, а я не ўзнімаў галавы ад падручнікаў...
Сапраўды нешта нятое са мною, лета прайшло, "так и жизнь пройдет; и в сотый раз маслом вниз.."
Упдэйт: за гэты час ворагі ЖЖ напіхалі сюды рэклямы... Каб іх трасца трэсла...

здароўце

Sun, 18 Nov 2007 21:10:49 GMT

Прывітаньне, сябры!
Выбачайце, што даўно ўжо не флудзіў сваема пастамі па благасьферы. Іспыты зрэшты зкончыліся, але неўзабаве за імі прыйшлі рознабаковыя партыз і мой дзень народзінаў, з наступствамі апошняга мая дагэтуль змагаецца. Выпіта было шмат, нават неяк зашмат... Вялікі дзякуй, тым хто мяне павіншаваў, тым хто жадаў павіншаваць і забыўся, а таксама тым хто ня вельмі хацеў мяне віншаваць але яны проста добрыя людзі...
Гэта ўвогуле ня вельмі істотна... дзякуй усім...

Tue, 02 Oct 2007 23:36:08 GMT

Іспыты ядуць мозг як тыя амёбы дзеці Ктулхі. Спрабаваў рашаць задачу, нічога не атрымлівалася, шмат часу спрабаваў, ніякага прагрэсу, толькі нэрвавацца патроху пачаў, потым вельмі. Вырашыў зьесьці аўрыяну. Цяпер мне ўсё па бубне, асабліва іспыт. Сіджу, адмаражваюся паціху. Што рабіць?

Першы блін-- сабаку.

Fri, 31 Aug 2007 01:10:48 GMT

Сёньня ўпершыню заваліўся на сваім першым інтэрв'ю па прыёме на буржуйскую працу. Тармазіў бесперапынна. Напрыканцы адчуў сябе такім дэбілам, што ажна сорамна зрабілася, што ў людзей заняў працоўны час.

Але ж ёсьць ва мне нешта станоўчае... магчыма... піва люблю... хаця б

Начное

Mon, 27 Aug 2007 00:55:28 GMT

Яшчэ адна прыкмета таго, што я засядзеўся за Matlabам дапазна: у Skype, з маіх знаёмых, апроч мяне online застаўся толькі Skype Test Call.
Патэлефанаваць яму, ці класьціся спаць?

Груз 200

Sun, 19 Aug 2007 00:15:51 GMT

Паглядзеў заўчора новы фільм Балабанава, не магу ачуняць ужо другія суткі. Глядзеў адзін, ноччу, быў вельмі стомлены, але не здолеў спыніць пасярэдзіне. Фільм жудасны, пачварны, як нашае жыцьця, але абавязковы для прагляду. Не, гэта не фільм года, гэта адзін з наймацнейшых фільмаў, што я бачыў. Амаль кожная сцэна кранае і прымушае шукаць іншы, нябачны, алегарычны сэнс.
Нягледзячы на тое, што дзея адбываецца ў 1984 (таксама, на мой погляд, алегорыя, асабліва прымаючы да ўвагі дыялог пра Горад Сонца) гэтае кіно асабліва актуальнае менавіта ў гэты перыяд расейскай гісторыі.
Хацеў напісаць болей, але тут і тут ужо ўсё сказалі.

Посмотрел пару дней назад "Груз 200", не могу отойти который день. Несмотря на то, что смотрел ночью, один, очень усталым, не смог остановить на середине. Ужас этого фильма заполняет именно тогда, когда понимаешь, что такова жизнь, и спираль истории неумолимо возвращает все на свои места. Фильм однозначно из разряда must see (запасясь изрядной дозой валокордина). Аллегории и вторые смыслы можно искать (и находить) во всем. Сцены хватают за живое, их отточеность потрясает. Фильм необходимый, причем необходимый именно на этом витке российской истории.
Всё остальное, что я хотел сказать можно найти тут.

Гэты дзень

Wed, 15 Aug 2007 00:00:01 GMT

У 1385 годзе была падпісаная Крэўская вунія.

У 1880 годзе быў зкончаны, пасьля шасьці стагоддзяў будоўлі, Кёльнскі катэдрал.

У 1921 годзе была абвешчаная "незалежная" Тувінская Народная Рэспубліка, што дэ юрэ праіснавала як незалежная дзяржава да 1944 году.

У 2006 годзе зкончылася Другая Лібанская вайна Ізраілю супраць тэрарыстычнай групоўкі Хізбала.
У выніку баявых дзеяньняў былі забітыя 600 баявікоў Хізбалы, 119 жаўнераў Арміі Абароны Ізраілю, 43 ізраільскіх і каля 1000 лібанскіх мірных жыхароў. На працягу года з заканчэньня баявых дзеяньняў Хізбала ўзмацніла свае пазіцыі ў паўднёвым Лібане, і поўнасьцю узнавіла свой арсэнал.

Тры ізраільскія жаўнеры, што былі захопленыя тэрарыстамі напярэданьні вайны дагэтуль застаюцца ў палоне.

Шчасьлівых (хоць яны ўжо і мінулі) сьвятаў

Sun, 07 Jan 2007 22:07:35 GMT

Тых каго не павіншаваў асабіста (а такіх у гэтым годзе ўжо абсалютная большасьць) хачу павіншаваць з Калядамі (як каталіцкімі так і праваслаўнымі), Ханукай, Новым 2007 годам і Эйд-уль Фітрам, жадаю каб у кожнага здейсьніліся ягоныя самыя запаветныя мары, і самае галоўнае, каб у кожнага над галавою было мірнае неба, утульнае месца пад сонцам, спакой у сям'і, моцнае здароў'е, упэўненасьць ня толькі ў заўтрашнім дні, але і ў лепшым будучым для дзяцей і ўнукаў!

Сёньня

Sat, 09 Dec 2006 00:19:38 GMT

Сёньня спаўняецца 115 год з народзінаў выдатнага майстра слова, сапраўднага і шчырага патрыёта, першага, на мой погляд, з беларускіх паэтаў. Ягонае сэрца, дзе б ён не знаходзіўся, належала Радзіме.

сайт прысьвечаны творчасьці Уладзіміра Крукоўскага

Вакол мяне кветкі прыгожа красуюць.
Маркотна між іх я хаджу адзінок,
Аж бачу - мне сіняй галоўкай ківае
Наш родны, забыты ў цяні васілёк.
«Здароў будзь, зямляча!» Чуць бачны ў даліне,
Панура, нявесела шэпча ён мне:
«Ўспамянем, мой дружа, ў багатай чужыне
Аб беднай, далёкай сваёй старане».
Усім чытаць

Палітычная мазаіка ў шэрых танах

Fri, 24 Nov 2006 15:47:09 GMT

Некалькі дзён быў у інфармацыйнай ізаляцыі. Уключыўшы ціві-кропку і наведаўшы адпаведныя бачыны цірнету пабачыў, што навінаў шмат, хаця зрэшты нічога новага.
Невядомы добразычлівец працягвае забіваць тых, хто адмаўляецца цалаваць Вовіку ногі і мае пры гэтым больш-меньш рэальныя доказы ня самых лепшых пуціных учынкаў. Пры гэтым Скотлянд-Ярд вядома нічога не знаходзіць, і з вядомых усім нафта-газавых прычынаў нічога шукаць ня будзе, з тых жа прычынаў "лібералы" і "дымакраты" Захаду будуць сідзець моўчкі, што бы Крэмль не рабіў. Нічога, пройдзе колькі дзён, газэты пра тое забудуць і зноў можна будзе на сустрэчах "васьмёрак" абдымаць Уладзіміра Уладзіміравіча і ўсхваляць дасягненьні ягонай дэмакратыі. Карацей тая ж гульня, тыя жа гульцы.
Тое ж, што здараецца ў самой Расеі, у "Маскве златаглавай", усё больш і больш нагадвае пастмадэрніскі фільм ужасаў: чачэнскія баевікі "мочаць" адзін другога і застаецца такое ўражаньне, што асноўныя пуцінскія сарціры знаходзяцца на малой радзіме Мініна і Пажарскага. Цытата для тых, хто слаба верыў у чачэнска-крамлёўскі след забойства Паліткоўскай: "По официальной версии милиционеров, Байсаров во время задержания пытался взорвать гранату, и чеченские милиционеры открыли по нему огонь. Семь пуль из автомата Калашникова в Байсарова выпустил сотрудник вневедомственной охраны МВД Чечни Султан Рашаев. Между тем газете ╚Время новостей╩ стали известны имена еще шестерых участников задержания. Некоторые из них оказались высокопоставленными сотрудниками МВД Чечни: начальник УБОП Чечни Апти Алаудинов, его заместитель Расул Ахмиев, замминистра МВД Ахмед Ясаев. Уже на следующий день после убийства высокопоставленные чеченские милиционеры уехали на родину."
Беларускія маргінальныя апазіцыянеры працягваюць свавольнічаць, відавочна мала "хуліганаў", цяпер яшчэ і маньяка кіроўцу атрымайце...
На Блізкім Усходзе распаўсюд атрымліваюць небяспечныя трацілава-эквівалентныя бабулькі. Цікава, што яны на нябёсах будуць рабіць з такой колькасьцю цэлак...
Маньяк гвалтаўнік збягае з рук паліцыі і яго шукаюць усім Тэль-Авівам. На Сдэрот падаюць ракеты а ўрад і Хамас ня могуць вырашыць хто першы пойдзе мірыцца.
Тым часам гісторыя пра іранскага белага ядзернага бычка працягваецца. Мы, згодныя каб вы паглядзелі на нашы рэактары, калі вам гэта сапраўды патрэбна, але толькі хуценька і не кажыце нам, што рабіць... А мы тым часам супрацьпаветраных ракетаў у Расеі купім. Не, гэта ўжо нават ня смешна... Ня хочацца нават думаць чым гэта можа скончыцца...
Карацей кажучы, эканомьце нэрвныя клеткі, што не ўзнаўляюцца, глядзіце меньш навінаў і бывайце здаровы.

Так робіцца гісторыя

Fri, 27 Oct 2006 10:15:28 GMT

Праглядаючы гісторыю рэдагаваньня Вікіпедыйнай "Гісторыі Беларусі" па ангельску пабачыў гэта:
It seems nobody can provide any evidence about Novohradek as capital of Lithuania, therefore I remove this part from the article as incorrect.Dirgela 18:27, 10 October 2005 (UTC) і самлеў.

Happy New Year

Fri, 22 Sep 2006 20:56:55 GMT

Для тых, хто яшчэ не ў матэрыяле...
Ня гледзячы на капрызы прыроды пасьпяхова надыйшоў 5767 год ад стварэньня сьвету.
Усіх са сьвятам!

Іспыт

Thu, 21 Sep 2006 13:44:37 GMT

Ненавіджу пытаньні на іспыце, калі трэба падкрэсьліць адзіны правільны адказ.. А на самой справе іх некалькі і ў дадатак да таго каб вырашаць, што з дадзенага насамрэч верна спрабуеш зразумець хворую лёгіку выкладчыка.

Дзіўна

Tue, 12 Sep 2006 16:35:52 GMT

Нешта пошук на www.slounik.org накрыўся... Браўзіць магчыма, а шукаць-- не... :(
Ці то толькі ў мяне так?

Навучальнае

Tue, 12 Sep 2006 01:13:58 GMT

Сапраўды уражлівы прыклад мадулярнае натуры ментальных працэсаў, гэта навуковая знаходка таго, што нават тое, што мы звычайна маем на ўвазе пад словам "я" ёсць спалучэнне незалежных ланцугох, кожны з якіх мае сваё пачуццё свядомасці, кожны з іх праводзіць самастойныя аперацыі ў розных паўкулях галаўнога мозгу. Значнае адкрыццё таго, што нават свядомасць ня ёсць унітарым працэсам належыць Roger Sperry і Michael Gazzaniga, яно было зробленае ў ходзе вывучэння пацыентаў хворых на эпілепсію, у якіх corpus callosum-- частка галаўнога мозга, што злучае паміж сабою два паўкулі, быў пашкоджаны, як сродак лекавання падучкі. Навукоўцы выявілі што кожная з паўкуляў мае сваю ўласную свядомасць, што функцыянуе незалежна.
Маем правую паўкулю, што не можа размаўляць і разумець мову, якая добра зразумелая для ізаляванай левай паўкулі. Як вынік маем розныя каманды выдадзеныя кожнай з паўкуляў мозга-- кожнае паўшар'е мае ўласны розум, уласнае "я".
Пакуль адзін з пацыентаў трымаў любімую кнігу ў левай руцэ, правая паўкуля, што кантралюе левую руку, але ня здольная чытаць, вырашае, што толькі выгляд гэтае кнігі выклікае сум. Правае паўшар'е камандуе левай руцэ пакласці яе на паліцу! Іншы пацыент у той жа час апранаўся адной рукой і распранаўся другою.

Gazzaniga MS, LeDoux JE 1978 "The Integrated Mind" NY, Plenum